打工仔忽然股神上身 「心情好亂！」

▲ 相片來源：Getty Image

恒指今早高開429點報27373，為早巿高位，其後A股呈軟，恒指更曾倒跌132點。恒指半日上升103點，收報27047。

打工仔這幾日望住恒指猶如坐過山車，大家是否心如鹿撞，究竟應該、揸，還是沽？好亂呀！

此時你隔離坐位，原本正在玩轉珠遊戲的同事突然股神上身，托托眼鏡說：

中國就嚟入亞投行，施政報告又講明會全力配合內地「一帶一路」，相信港股仲有得升！恒指上3萬唔係問題！

你再問同事：

亞投行又關股市升到癲事？

同事再一句：「你識咩呀！」又再青姐上身：

怯，你就輸一世！蟹咗幾年，唔賺返佢條氣真係唔順！嗱，我教你，set個止賺位，賺夠咪走囉！

上述是真實對白，近三日以來，大家WhatsApp都離不開討論港股升勢，人人專家上身分析後市。

有網民就與朋友吹水，指目前是牛市第三期，「要上升就爆升，要跌就一大半，睇下自己想食幾多」，甚至要準備MPF密碼轉換投資組合。

要看清投資前路，未必要看「一帶一路」。連「亞投行」及「一帶一路」都未搞清的小股民，港股兩日成交5,415億元，究竟所謂何事？

港交所行政總裁李小加昨日（9日）以〈給投資者的一點小建議〉指，近日被投資者問「現在買港股還來得及嗎？」，他自稱沒有預示未來的水晶球，但提醒大家「不要急！不用慌！機會無窮、風險常在！」

最後，小編送給大家一隻好應景的歌。

老土都要講一句，投資涉及風險，價格可升可跌，各位投資者不要盲目跟風，小心中「冧把降」，損手離場！